Tuesday, April 28, 2015

तपाईंले देखेका सुचना दिएर यसरी सहयोग गरिदिनुस, हामी म्याप बनाएर उद्दारमा सहयोग गर्छौं

बिपदको यस बेलामा जो जसले जहाँबाट जे जे सहयोग गर्न सकिन्छ गरौं, देश बिदेश जहाँरहेर पनि आफुले गर्न सकिने सबैले गरेकै छौं र अझै जारी राखौं। अहिले नेपालमा मुख्य समस्या पैसामा छैन, केहि रुपमा सामाग्रीमा छ तर मुख्य समस्या ब्यबस्थापनमा छ। ब्यबस्थापन गर्ने काम आफैमा झन्झटिलो हुन्छ यसैमाथी तारन्तारको भुकम्पका झट्काहरुले त्रसित भईरहेको मन र मस्तिस्कले के केति गर्न सक्ला त्यो आफै पनि सोचनिय छ।
सरकारी उद्दार र राहतमा निकै गुनासा सुनिन थालेका छन तर म भन्छु यो महा बिपत्तिमा आफुले सक्ने सबैले गरौं, यदि कोही कसैले महाबिपतको यो समयलाई कमाउने मेलो बनाएभने सम्झनुस उसको कात्रोमा पनि गोजी हुदैन बरु सप्रमाण भटेिएमा हुने भविश्यको सामाजिक तिरस्कारले आफैले गोजीमा कात्रो बिकेर हिड्न बाध्य हुनेछ। अहिले यति बुझौं र आफुले जे सकिन्छ गरौं।
हाल अमेरीकामा रहनु भएका ईन्जिनियर सतिस त्रिपाठी, GIS Analyst संजिव राई अहिले यस्तै काममा लाग्नुभएको छ, अन्य धेरै साथिहरुको सहयोगमा हामी प्रभावित क्षेत्रमा कहाँ कस्तो अबस्था छ र त्यहाँ जाने रुटहरु कस्ता छन, कहाँ कहाँ पहिरो गएको छ या स्थिति के छ, उद्दारको स्थिति कस्तो छ भनेर चित्रमा देखाउने छौं जसले गर्दा उद्दारमा खट्नुहुने सबैलाई सजिलो हुने हामिले ठानेका छौं।
जस्तै उदाहरणको रुपमा एउटा म्याप हेरौं गोरखाको जसमा बाटोहरु पनि देखाईएको छ। यसमा धेरै अपडेट बाँकि छ। साथै यसला हुने जानकारी पछि गुगल म्यापमा पनि राखिनेछ।

आउनुहोस यो तलको फर्म भरेर तपाईंसंग भएको जानकारी हामिलाई दिनुहोस।